Deputetja e Partisë Demokratike, Ina Zhupa e ftuar në emisionin “A Show me Adi Krastën” tha se shkak i rezultatit të PISA ku vihej në dukje një rënie drastike të nivelit të arsimit në Shqipëri është ish-ministrja e Arsimit Evis Kushi.
Zhupa tha se Ogerta Manastirliu, si ministre aktuale e arsimit, vazhdon të bëjë propagandë në vend që të bëjë rezume për të rregulluar gjendjen në të cilën ndodhet arsimi.
“Evis Kushi, një ministre që nuk e ndriti arsimin si ministre e arsimit në Shqipëri, dhe ato rezultat e PISA që unë diskutoj sot në interpelancë me Ogerta Manastirliun, nuk janë fajet e Ogertës sepse të sajat janë tek shëndetësia ku ka qënë dhe ka bërë zullumin, por janë trashgimnia e Evis Kushit që ne jemi pas Turkmekistanit, të fundit në Europë. Është skandaloze. Nuk shikon që të bëjë një rezume për gjithë atë kontribut të munguar tek arsimi por do që t’i tregojë këtyre institucioneve të pavarura se ‘ne ju mbrojnë, ju duam, jemi këtu për t’i mbyllur gojën opozitës’” tha Zhupa.
