Efektivit të policisë rrugore në Shkodër, Kastriot Selimaj, i është vendosur një sasi tritoli në automjetin e tij rreth orës 04:00 të mëngjesit të sotëm. Ngjarja ka ndodhur në lagjen “Tepe”.
Fatmirësisht nuk ka persona të lënduar.
Sasia e lëndës plasëse ishte vendosur në gomën e pasme të automjetit, i cili ndodhej i parkuar në oborrin e shtëpisë. Xhami i përparmë i makinës është dëmtuar plotësisht teksa janë thyer edhe xhamat e dyerve të makinës dhe është dëmtuar prapakolpi.
Menjëherë në vendngjarje kanë shkuar forcat e Policisë të cilat vijojnë kontrollin në zonë.
Pritet që policisë t’i vijnë në ndihmë kamerat e sigurisë që ishin në banesë dhe në rrugë.
