Kreu i Partisë së Lirisë, Ilir Meta, gjatë konferencës me gazetarët ka dhënë detaje në lidhje me marrjen në pyetje këtë të enjte në SPAK.
Meta tha se një person i njohur si Alberto i Lules del se i ka bërë dhurata apo se bashkëshortja e tij Monika Kryemadhi rezulton se ka tërhequr 20 mijë euro në vitin 2008. Kreu i PL-së tha se nuk mban mend gjë se çfarë ka ndodhur para më shumë se një dekade.
“U pyeta për këto budallallëqet. E njihja si Alberto i Lules. Jo thanë se dilte nga përgjimet që të ka bërë dhuratë. Jo me ka bërë dekor palmat dhe i ka hequr. Në datën kaq në vitin 2008 zonja Kryemadhi ka tërhequr 20 mijë euro. E mbaj mend unë? Ajo ka bërë veprime se ka patur pronat e tyre, pallatin e tyre, ka bërë veprimet e saj. Nuk jam marrë me çështje pronash, financash.” – tha ai.
Më tej, Meta shprehet se nuk ka dijeni nëse SPAK ka bashkuar çështje kundër tij e Kryemadhit.
“Nuk e di si janë bashkuar. Ajo mund të di më mirë. Nuk mund të them si u bashkuan, ti bëjnë si të kenë qejf. Jam i hapur para shqiptarëve. Jam thirrur në cilësinë e denoncuesit kryesor të ramaformës që ka kapur për fyti SPAK, dhe e detyron të merret me këto budallallëqet. Duhet ti kishte vënë hekurat me kohë Ramës dhe Veliajt. Unë e thashë, i thirrur në cilësinë e personit që ka denoncuar këtë mafie, që e zgjidhi kryeprokurorin me 69 vota. Bashkimi i reformës, është Kavaliera dhe Ëngjëll Agaçi. E dini shumë mirë si ka vajtur mali i dosjeve.” – tha kreu i PL-së.
Meta tha se me llogaritë është marrë Monika, ai është marrë me politikë.
