Detaje të reja janë zbardhur në lidhje me sekuestrimin e pasurive të një 36-vjeçari në Fier.
Mijëra hektar tokë, apartamente, vendparkim, 12 makina dhe llogari bankare, pasuri në total me vlerë rreth 1.8 milion euro që u sekuestruan një ditë më parë me firmë të gjykatës së Fierit dhe kërkesë të prokurorisë së këtij qytetit, mësohet se janë në pronësi të 36-vjeçarit Arbër Muça.
Këto sekuestrime kanë ardhur pasi dyshohet se ato janë përfituar nga veprimtari kriminale. Sipas njoftimit të policisë, 36-vjeçari dyshohet se i ka përfituar këto pasuri nga veprimtaritë kriminale në fushën e narkotikëve, të kryera jashtë Shqipërisë.
Mes pronave të sekuestruara janë edhe një automjet “Ferrari”, me vlerë rreth 130.000 Euro, toka, apartamente, llogari bankare, ora të markës “Rolex”, si dhe bizhuteri dhe sende të tjera të çmuara me vlera të konsiderueshme.
•2 sipëfaqe toke arë, në total 6831 m2, në Fier;
•3 sipërfaqe toke truall, në total 630 m2, në Fier;
•njësi shërbimi me sipërfaqe 200 m2, në Fier;
•njësi 2 kate me sipërfaqe 625 m2, në Fier;
•njësi me sipërfaqe 100 m2, në Fier;
•apartament me sipërfaqe 127 m2, në Tiranë;
•1 vendparkim në Tiranë;
•12 automjete;
•2 llogari bankare me vlerë rreth 120 000 euro.
Lexo edhe:
