Kreu i Partisë së lirisë, Ilir Meta prej mëngjesit të sotëm është thirrur në Prokurorinë e Posaçme.
“Hë mo çfarë ka ndodhur?!“, u tha gazetarëve Ilir Meta pasi në hyrje të SPAK ishin të pranishëm shumë media.
Meta në hyrje të SPAK e ironizoi kreun e SPAK-ut, Altin Dumanin duke i vendosur epitetin “Dumdumani”.
Gjatë fjalës së shkurtër, kreu i PL-së tha se Dumani nuk goxon të hetojë Edi Ramën për çështjen e ‘McGonigal’.
“Kam ardhur të takoj “dumdumanin”, e njihni “dumdumanin”?! Kush është “dumdummani”, është ai që nuk guxon të hapë çështjen e McGonigal sepse është kokë e këmbë bashkë me Edi Ramën. Dumdummani është ai që nuk përmend dot emrin e Edi Ramës”, tha shkurtimisht Meta para gazetarëve.
Meta është thirrur nga prokurori i çështjes, Sotir Kllapi, ndërsa në dosjen e hetimit pasuror është bashkuar edhe çështja e lobimit të LSI në SHBA.
- Monika Kryemadhi ditën e djeshme 5 orë në SPAK
Kjo paraqitje e Metës në SPAK vjen një ditë pas bashkëshortes së tij, Monika Kryemadhit. Për mbi 5 orë deputetja e Partisë së Lirisë Monika Kryemadhi ka dhënë sqarime në Prokurorinë e Posaçme, në lidhje me hetimin pasuror që ka hapur prej muajsh Prokuroria e Posaçme.
E thirrur nga prokurori Sotir Kllapi në orën 10:00 të paradites, Kryemadhi doli që aty në 15:00, ndërsa për mediat tha se paditë për shpenzime të padeklaruara në ndërhyrje estetike dhe ajo për lobimin në SHBA janë bashkuar në një hetim.
