Ka përfundar pas më shumë se dy orësh protesta e opozitës, para Kuvendit, ku u kërkua largimi i kryeministrit Edi Rama pas publikimit të investigimeve të emisionit Report në televizionin italian RAI 3, ku u faktuan lidhjet e tij me korrupsionin dhe krimin.
Protesta u shoqërua me përplasje të vazhdueshme mes efektivëve dhe protestuesve, që tentonin të çanin me forcë koordonin policor
Fillimsiht protestuesit dogjën disa goma të vjetra dhe sipër gomave ishin dhe pankartat me fotot e qeveritarëve me mbishkrimin “Narcos”. Më pas qëlluan me vezë dhe fruta në drejtim të efektivëve, teksa nuk munguan as fjalimet e eksponentëve të PD-së.
Efektivët e Policisë kanë përdorur gaz lotsjellës kundër protestuesve, ku ka patur edhe qytetarë të lënduar.
Sekretari i Përgjithshëm i PD-së, Flamur Noka iu ka bërë thirrje protestuesve që të shpërndahen, edhe për shkak të temperaturave të larta dhe tashmë opozita do të protestojë sërish të hënën në orën 11:00 para Bashkisë së Tiranës.