Kreu i PD-së Sali Berisha ka publikuar në Facebook, deklaratën në protestën e mbrëmshme të ish-kandidatit të opozitës për Bashkinë Kuçovë në Lefter Maliqi, i cili akuzonte kryeministrin Edi Rama se ka mbushur sallat në Athinë dhe Milano me administratën shtetërore.
Më tej, Maliqi tha se Rama ka nxitur vëllavrasjen në vendin tonë.
Gjithashtu Maliqi theksoi se ‘lideri i opozitës mbahet në arrest politik pa asnjë provë pa asnjë fakt nga babloku, nga mafia dhe nga Dumani, i cili është levë e tij’.
“Ky diktator ky bablok i mafies i Surrelit ka nxitur vëllavrasjet, konfliktet shqiptarë me shqiptarë. Imagjino, me tallavatë e tij, me koncertet, me autobusat dhe me avionët plotë nga Shqipëria edhe në Athinë edhe në Milano fut vëllavrasjet. Ky i ka ndarë shqiptarët i ka futur në luftë klasash, në jugorë dhe veriorë. Sali Berisha, si veriorët dhe jugorët i ka pasur të barabartë, shqiptarë të barabartë dhe nuk bënte dallime.
Sali Berisha nuk ka parë kurrë të majtë dhe të djathtë. Qarku i Beratit ishte i majtë me komuna dhe bashki por çfarë bëri Sali Berisha, bëri rreth 200 km rrugë rurale, 100 qendra shëndetësore, mbi 100 rikonstruksione dhe shkolla të reja.
Çfarë bën babloku i rilindjes? Me 10-fish të denderave apo 20-fish ka bërë vetëm qendrat e bashkive të cilat përmbyten.
Lideri i opozitës mbahet në arrest politik pa asnjë provë pa asnjë fakt nga babloku, nga mafia nga Dumani levë e tij”, tha Maliqi.
