Gjykata e Fierit ka caktuar masën e sigurisë “arrest në burg” për Azgan Mërnica, i cili ekzekutoi me një plumb në kokë, efektivin e forcave “Shqiponja”, Novruz Cenalia pas një konflikti të çastit.
I veshur me jelek anti-plumb, 23-vjeçari është transportuar drejt Gjykatës së Fierit nën masë të rrepta sigurie. Ai është shoqëruar nga furgonë policie, për t’iu paraprirë çdo situate të mundshme.
Bëhet me dije se avokati mbrojtës i Azgan Mërnicës nuk u paraqit në Gjykatë, po ashtu as avokati i shtetit nuk pranoi ta merrte në mbrojtje 23-vjeçarin.
Gjyqtare e çështjes është Dajana Ndrea ndërsa akuza përfaqësohej nga Denis Hyka.
Ashtu sikurse në momentin që u vetëdorëzua edhe në seancën e sotme ai ka qëndruar i qetë dhe i buzëqeshur. Ai u vetëdorëzua në polici mbrëmjen e 15 Majit, dy pas krimit të rëndë ku i mori jetën efektivit të Shqiponjave duke e qëlluar me plumb në kokë.
Lexo edhe:
Vrau efektivin/ Azgan Mërnica i veshur me antiplumb, “blindohet” Gjykata e Fierit
