Një aksident me pasojë vdekjen e një këmbësori ka ndodhur gjatë mbrëmjes së djeshme në në autostradën “Milot-Morinë”, në Kukës.
U mësua se viktima ishte duke kaluar rrugën kur është përplasur për vdekje, dhe po punohet për identifikimin e tij.
Ndërsa policia ka arrestuar 27-vjeçarin që drejtonte automjetin që shkaktoi aksidentin.
“Shërbimet e Njësisë së Sigurisë Rrugore në autostradën “Milot-Morinë” arrestuan në flagrancë shtetasin A. M., 27 vjeç, banues në Prishtinë, pasi rreth orës 21:30, të datës 14.05.2024, në fshatin Gjegjan, me automjetin që drejtonte, ka përplasur një shtetas ende të paidentifikuar, këmbësor, rreth 60 vjeç, i cili si pasojë ka humbur jetën në vendngjarje. Vijon puna për identifikimin e këtij shtetasi”, njofton policia.
