Një ngjarje terrori të denjë për “filmat e hollivudit” ka ndodhur në orët e para të mëngjesit të sotëm në Durrës ku armët e krimit sërish ngrihen kundra policisë.
Sipas policisë, një shtetas terrorizoi fëmijët e tij të mitur (6 dhe 11 vjeç), madje qëlloi me kallashnikov ndaj forcave RENEA.
Sipas burimeve mediatike bëhet me dije se shtetasi i identifikuar si Aleks Marku (40 vjeç), mori peng dy fëmijët e tij në një apartament të marrë me qira dhe ka qëlluar disa herë me armë zjarri. Policia e Durrësit ka mbërrit pranë apartamentit të tij, rreth orës 02:20, por autori qëlloi disa herë nga dritarja.
Policia e Durrësit kërkoi ndihmën e Repartit Special “RENEA”, pasi duhej ndërhyrje e specializuar për të mos rrezikuar jetën e fëmijëve në banesë dhe të punonjësve të Policisë. Por “RENEA” shkoi në vendngjarje dhe i bëri thirrje 40-vjeçarit që të dorëzohej, ai vijoi të qëllonte nga dritarja e apartamentit.
Pas disa orësh negociata u bë i mundur neutralizimi dhe kapja e Aleks Markut, të cilit në banesë iu gjet një armë zjarri kallashnikov, një krehër me fishekë, si dhe 18 gëzhoja në brendësi të banesës.
Policia nxorri të 2 fëmijët, të cilët janë në gjendje të mirë shëndetësore dhe po iu jepet asistencë me psikologë.
- Pamje nga vendi i ngjarjes:
- Del FOTO, ky është 40-vjeçari që mbajti peng fëmijët
Ky që shihni në foto është 40-vjeçari Aleks Marku, i arrestuar pasi terrorizoi Durrësin duke mbajtur peng 2 fëmijët e tij të mitur dhe qëlluar me kallashnikov ndaj forcave RENEA.
Nga informacionet e siguruara i arrestuari Aleks Marku dyshohet të ketë qenë nën efektin e lëndëve narkotike dhe në gjendje të rënduar psikologjike.
Sipas burimeve bashkeshortja e tij kthehej ditën e djeshme nga jashtë vendit ndërsa prej pak ditësh ai ishte zhvendosur ne një shtëpi me qira ne zonën e Shkëmbit të Kavajës së bashku me 2 fëmijët e mitur.
- Zbulohet dëshmia e Aleks Markut: Qëllova se prisja të më sulmonin
Detaje të reja janë zbuluar nga pengamarrja në Durrës, ku 40-vjeçari Aleks Marku mori peng dy fëmijët e tij dhe ka qëlluar me armë zjarri në drejtim të forcave të policisë.
Pasi policia e Durrësit njoftoi forcat speciale RENEA, të cilat bënë të mundur neutralizimin e tij, 40-vjeçari ka folur për policinë. Gjatë kohës që është kryer neutralizimi, dy fëmijët e autorit, i kanë bërë thirrje të dorëzohet.
Burimet mediatike bëjnë me dije se Marku ka deklaruar se ishte në gjendje të rënduar psikologjike dhe ka qëlluar me armë, pasi priste se do ta sulmonin disa persona, por pa treguar se kush ishin këta të fundit.
- Çfarë njofton policia:
“Terrorizohet Durrësi. Një ngjarje e pazakontë ka ndodhur në zonën e “Shkëmbit të Kavajës”, ku një 40-vjeçar i identifikuar si Aleksa Marku, qëlloi me armë zjarri, nga banesa ku mbante peng 2 fëmijët e tij të mitur.
Rreth orës 02:20, Policia e Durrësit është njoftuar se dëgjoheshin të shtëna me armë zjarri, në ambientet e një pallati, në një apartament të lëshuar me qira, pranë zonës së quajtur “Shkëmbi i Kavajës”. Menjëherë, shërbimet e Policisë kanë shkuar në vendin e ngjarjes dhe nga veprimet e para rezultoi se banesa nga ku qëllohej me armë zjarri, ishte marrë me qira javore, nga shtetasi A. M., 40 vjeç, banues në Lezhë dhe se dyshohej se brenda saj ky shtetas mbante peng 2 fëmijët e tij të mitur, 6 dhe 11 vjeç.
Policia e Durrësit kërkoi ndihmën e Repartit Special “RENEA”, pasi duhej ndërhyrje e specializuar për të mos rrezikuar jetën e fëmijëve në banesë dhe të punonjësve të Policisë.
Në vendngjarje shkoi Reparti Special “RENEA”, i cili i bëri thirrje 40-vjeçarit që të dorëzohej, por ai vijoi të qëllonte nga dritarja e apartamentit.
Pas disa orësh negociata, nga Njësia e Negocimit e Repartit “RENEA”, dhe me ndërhyrjen e specializuar të njësive të RENEA-s, në bashkëveprim me strukturat e DVP Durrës, nën masa të larta sigurie, u bë i mundur neutralizimi dhe kapja e shtetasit A. M., të cilit në banesë iu gjet një armë zjarri kallashnikov, një krehër me fishekë, si dhe 18 gëzhoja në brendësi të banesës
Për motivet që shtynë 40-vjeçarin në këtë ngjarje, do të japim informacion në vijim”, njofton policia.
