Egnatia u mposht 0-1 nga Vllaznia në kuadër të javës së 33-të të Superiores. Por te rrogozhinasit nuk kanë kohë për të humbur pasi një tjetër duel mjaft i rëndësishëm i pret.
Teuta do të jetë kundërshtari i radhës i Egnatias, sfidë kjo që do të luhet në “Diko Dovana” ditën e shtunë në orën 16:00.
Një transfertë delikate duke marrë parasysh se Edlir tetova do të vuajë mungesën e 3 titullarve.
Kështu nuk do të mund të llogarisë shërbimet e Albano Aleksit, Edison Ndrecës dhe Arbenit Xhemajlit. Ky i fundit u ndëshkua me karton të kuq ndaj kuqebluve dhe në këtë mënyrë do të jetë i pezulluar.
Ndërkohë ish-lojtari i Tiranës u ndëshkua me karton të verdhe dhe ka plotësuar numrin 4 të tyre dhe do të jetë i pezulluar.
Nga ana tjetër Ndreca nuk e ka kaluar ende dëmtimin që mori në Kupë dhe do të vazhdojë të mungojë.
