Pas disa tensioneve mes protestuesve dhe Policisë, eksponentë të opozitës kanë tërhequr qytetarët dhe kanë mbyllur protestën e sotme para Bashkisë së Tiranës, ku u kërkua dorëheqja dhe marrja si i pandehur nga SPAK i kryebashkiakut Erion Veliaj, pas aferës korruptive “5D’, ku drejtorët e tij kryesorë kishin përfituar dhjetra miliona euro përmes tenderave të bashkisë.
Sekretari i Përgjithshëm i PD-së, Flamur Noka deklaroi nga oborri i selisë blu, se me kërkesë të qytetarëve, protesta e radhës kundër Bashkisë së Tiranës dhe kundër korrupsionit të Erion Veliajt do të mbahet ditën e martë në orën 16:30 të pasdites.
Arsyeja e ndryshimit të ditës dhe orës së protestës është për shkak se të martën në orën 16:30 do të mblidhet dhe Këshilli Bashkiak i Tiranës, si dhe për shkak se të premten e ardhshme janë Pashkët ortodokse.
