Një 44-vjeçar i dënuar me burg për drogë është ekstraduar nga Greqia ditën e sotme. Bëhet fjalë për shtetasin Leodin Rungo.
Policia sqaron se Rungo ishte dënuar me 3 vjet e 4 muaj burgim për prodhim dhe shitje të lëndëve narkotike.
-U ekstradua nga Greqia, shtetasi Leodin Rungo, 44 vjeç. Gjykata e Apelit Korçë, me vendimin e datës 15.02.2019, e ka dënuar me 3 vjet e 4 muaj burgim, për veprën penale “Prodhimi dhe shitja e narkotikëve”,- thuhet në njoftimin e Policisë.
Rungo iu dorëzua Drejtorisë së Përgjithshme të Burgjeve, për veprimet e mëtejshme.
