Edhe pse vetë nuk ka bërë asnjë protestë gjatë tre viteve të fundit, deputeti Lulzim Basha ka sulmuar opozitën në lidhje me protestën e përjavshme para Bashkisë së Tiranës ku kërkohet dorëheqja e Veliajt pas aferës “5D”.
Gjatë konferencës për mediat, Basha tha se protestat me Ilir Metën janë autogol për opozitës, pasi sipas tij, ai ka sjellë në pushtet Edi Ramën
“Nuk mund të bëhet protestë para Bashkisë me Ilir Metën, njerëzit e Metës kanë firmosur rritje tarifash aty. Meta solli Ramën në pushtet në 2013, e mbajti në 2017. Tani ma nxjerr si supremen, dhe më thua pse s’je në protestë. Faqe e zezë. Ti vënë gishtin kokës ata që për interesa personale i vunë minat opozitarizmit. Besueshmëria në këtë rast lë shumë për të dëshiruar. Sa më shumë ta zgjasim këtë, aq më shumë i zhysim ata.. Jam kundër hipokrizisë. Po promovohet një karkazë politikë. Që të thërrasësh protestë kundër korrupsionit, e të vësh në ballë Metën, a ka njeri që nuk e kupton që ky është autogol. PD duhet të distancohet nga njerëz që janë autorët e ardhjes në pushet të Ramës” – tha Basha.
