Kreu i Partisë së Lirisë, Ilir Meta, në një takim me delegatët e Tiranës për Konventën Kombëtare të 27 prillit, tha se në këtë parti nuk ka vend as për SPAK as për tarallak.
Meta deklaroi se kreu i SPAK, Altin Dumani është kthyer në një zëdhënës të shëmtuar të Engjëll Agaçit.
“SPAK të ndalojë së funksionuari si organizatë politike. I bëjmë thirrje Prokurorëve të ndershëm të distancohen nga Altin Dumani që është kthyer në një zëdhënës të shëmtuar të Engjëll Agaçit, tutorit të drejtësisë.
Engjëll Agaçi është miku i atij gjeneralit që tronditi edhe Rai3, ndërsa ky torollaku është miku i MCgonigalit”, tha Meta.
Më tej, Meta deklaroi se lekët e PPP-ve merren nga ai “tarallaku i Rilindjes dhe nga djali i atij miliarderit që vjen me avion”.
“Le të shkojë në Greqi t’i marrë, po grekët e djegin aty. Po pse budallenj i di shqiptarët ky tarallaku i Rilindjes? Ne do reagojmë dhe ato lekët që grabiten do i shkojnë pensionistëve”, shtoi ai.
