Një aksident ka ndodhur mbrëmjen e kaluar pranë Pyllit të Sodës në Vlorë. Një motor ka dalë nga rruga dhe si pasojë është plagosur drejtuesi i mjetit, Aleksandër Rrapo Hoxha, 60-vjeç.
Mësohet se Hoxha ishte duke u kthyer nga puna në momentin që ka humbur kontrollin e mjetit dhe është plagosur rëndë në kokë.
Ai është dërguar në spitalin rajonal të Vlorës për të marrë ndihmën e nevojshme shëndetësore, ndërkohë grupi hetimor ka nisur hetimet për zbardhjen e plotë të ngjarjes.
