Ilir Meta duket i bindur për të marrë vendimin kundër nepotizmit në partinë që ai drejton. Gjatë fjalës në Komitetin Drejtues Kombëtar të Partisë së Lirisë, Meta iu drejtua bashkëshortes së tuij që të mos bëjë viktimën.
Sipas Metës, nëse Kryemadhi është viktimë, është vetëm e Lulzim Bashës. Ai tha se djegia e mandateve ishte krim dhe e vetmja që nuk ka faj është Erisa Xhixho, pasi nuk ishte në atë kohë deputete.
Meta përmendi dhe një ish-ministre që nuk merr pjesë në mbledhje sipas tij, për shkak të nepotizmit, duke iu referuar Klajda Gjoshës.
Meta deklaroi se askush nuk ka të drejtë të bëjë viktimën dhe se Partia e Lirisë nuk mund të jetë më biznes familjar. Ai akuzoi kundërshtarët brenda partisë se kishte tentativë për ta sabotuar mbledhjen.
“Nepotizmi është ai që nuk na bëri të mindur një shoqen tonë që e bëmë minister të ishte prezente në mbledhjen e kaluar të Komitetit Drejtues Kombëtarë. Ajo ka qenë e rregullt e unë kurrë nuk ia kisha kërkuar. Për herë të parë e mora në telefon dhe e falenderova dhe i kërkoi që të ishte prezente.
Kishte përpjekje të qartë për të sabotuar kuorumin e mbledhjes së komitetit drejtues kombëtar. Nepotizmi e bëri atë që kur të më dalë mua përpara të skuqet, sepse i kanë thënë si do të shkosh atje. Ty s’të bëri Ilir Meta, të bëra unë, shoqja e Agim Neshos. Të bëmë ne. Prandaj nuk erdhi. A mundet një njeri që nuk i kishte vajtur mendja kurrë që do të bëhet ministre. Djegia e mandative ishte krim, përveç Erisa Xhixhos, e cila nuk ka asnjë përgjegjësi. Se po të kishte pasur përgjegjësi nuk do të ishte kandidate për zv/presidente e Ilir Metës. Të gjithë të tjerët u justifukuan me idenë se nuk dërguan një mesazh tek Ilir Meta, si president që kishte dalë kundër djegies së mandateve, me idenë: Burrë e grua, grua e burrë. E pra nepotizmi.
E nepotizmi është akoma që mendojnë që kjo ëshjë lojë (Përplas tavolinën)
Ilir Meta lojë me Kushtetutën ka bërë ndonjëherë?
Ilir Meta lojë me pluralizmin politik ka bërë ndonjëherë (Përplas tavolinën)
Ilir Meta lojë me interesin kombëtar ka bërë ndonjëherë (Përplas tavolinën)
Lojra patjetër do të bëjë Ilir Meta. Pingpongun e qan, 3 pikëshat në basketball qan. Hiking.
E nëse ndonjë grua ankohet se është viktimë e burrave, në politikë është viktimë e një palaçoje që quhet Lulzim Basha që gënjen edhe për orën.
Më 27 prill ekzekutojmë nepotizmin. Askush nuk ka të drejtë të bëjë viktimën. Ekzekutojmë fenomenin. Nuk mund të jetë më family biznes.” – tha Meta.
