Deputeti demokrat, Agron Gjerkmarkaj, ka komentuar protestën që u mbajt paraditen e sotme te Bashkia Tiranë, të cilën e ka cilësuar si një zjarr simbolik që do të djegë korrupsionin e VeliajT dhe drejtorëve të tij.
Gjatë takimit me demokratët e Belshit, Gjekmarkaj është shprehur ndër të tjera se skema 5D funksionon në çdo ministri, dhe në çdo bashki.
Gjekmarkaj: Më ka mbetur gjithmonë në mendje një propozim që dikur rilindësi kombëtar Sami Frashëri ka pas bërë që kryeqyteti i Shqipërisë të vendosej në këtë zonë të cilën e konsideronte një nga zonat më të bukura të Shqipërisë.
Në fakt kjo zona prap është ndër më të bukurat e Shqipërisë por është e varfër dhe është një zonë që po vuan plagën e shkretimit dhe të emigracionit. Pse ndodh kjo?
Shqipëria po vidhet, vidhet Belshi, vidhet Dumreja, këtu është vjedhur fitorja e PD, një fitore që do të rikthehet shumë shpejtë. Këtu vidhet paraja publike nga këta që qeverisin. Vidhet në Belsh vidhet në Tiranë, ju e keni parë që PD sot në dyert e asaj bashkie ka bërë një protestë bashkë me shoqërinë civile, keni parë një zjarr simbolik i cili është zjarri që do të djegë korrupsionin e Erion Velisë dhe drejtorëve të tij 5D.
Skema e 5D, është një skemë që funksionon në çdo ministri dhe bashki të Shqipërisë, është skema e vjedhjes së parasë publike, është skema e patronazhimit të parasë publike, një para që vidhet për të vjedhur vota dhe për të mbajtur nën peng dhe nën sundim Shqipërinë.
