Një 30-vjeçar i shpallur në kërkim për prodhim dhe shitje të lëndëve narkotike është arrestuar nga Policia e Vlorës.
Bëhet fjalë për shtetasin Ervin Rabaj, ndaj të cilit ishte caktuar edhe masa e sigurisë “Arrest me burg”.
“U bë i mundur lokalizimi në lagjen “Hajro Çakërri”, kapja dhe vënia në pranga e shtetasit të shpallur në kërkim E.R, 30 vjeç, banues në Vlorë.
Gjykata e Shkallës së Parë e Juridiksionit të Përgjithshëm Vlorë i ka caktuar 30-vjeçarit, masën e sigurisë “Arrest në burg”, për veprën penale “Prodhimi dhe shitja e narkotikëve”.- thuhet në njoftimin e Policisë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.
