Deputetja e PD-së, Albana Vokshi, e ftuar në Ora News ka folurr rreth bojkotimit që socialistët po i bëjnë komisionit hetimor parlamentar për koncesionet në shëndetësi, ku ajo është kryetare.
Vokshi u shpreh se në vetëm pak ditë mazhoranca ka bërë mbi 10 shkelje të rregullores, teksa sipas saj, 8 deputetët socialistë po tentojnë me urdhër të Ramës të bllokojnë hetimin
“Periudha e bllokimi të opozitës kur Rama nuk ndërmerrte asnjë hap për të respektuar detyrime dhe të drejtat kushtetuese të opozitës në parlament po e vazhdon edhe me mënyrën se si mazhoranca po e trajton komisionin hetimor të Check Up dhe Sterilizimit. Bllokimi nuk ka mbaruar vetëm se tani po vazhdon me forma dhe mënyra të tjera. Njëri prej komisioneve do bënte hetim parlamentar për dy koncesionet, dy aferat më skandaloze. Vlera e tyre shkon më shumë se 200 milionë euro. Tetë deputetët e mazhorancës po mundohen ta bllokojnë komisionin sepse kanë urdhër nga Edi Rama që të mos bëhet hetimi parlamentar. Po shkelin edhe lidhet që i bënë vetë. Në vetëm pak ditë kanë bërë mbi 10 shkelje të rregullores, kushtetutës dhe të ligjit.” tha Vokshi.
