Deputetja e Partisë Demokratike, Albana Vokshi, ka akuzuar mazhorancën se rezultati i zgjedhjeve nuk ka reflektuar vullnetin e qytetarëve, duke pretenduar se procesi zgjedhor është manipuluar.
Ajo akuzoi Partinë Socialiste se ka përfituar mbështetje nga grupe kriminale gjatë fushatës dhe procesit zgjedhor.
Sipas Vokshit, “12 banda kriminale kanë punuar për të mbështetur PS-në në të gjitha qarqet”.
“Nuk i kemi humbur zgjedhjet. Zgjedhjet janë devijuar, janë vjedhur. E keni të qartë këtë”, deklaroi Vokshi gjatë fjalës së saj në seancën plenare. Ajo akuzoi mazhorancën se ka përfituar mbështetje nga grupe kriminale gjatë procesit zgjedhor.
“12 banda kriminale kanë punuar për të mbështetur PS-në në të gjitha qarqet. Kjo shumicë nuk është vullneti i shqiptarëve”, u shpreh deputetja demokrate.
Vokshi tha gjithashtu se opozita e konsideron veten përfaqësuese të qytetarëve dhe protestuesve që kanë ngritur zërin kundër qeverisë. “Ne jemi përfaqësues të shqiptarëve, jemi përfaqësues të protestuesve”, përfundoi ajo.
