Gjykata e Tiranës ka caktuar këtë të diel masën e sigurisë për 4 të dyshuarit për trafikim të 1 kg kokainë mes tyre edhe efektivin e operacionales Ervis Shkurta.
Për Enea Sulejmanin Gjykata ka caktuar burg pa afat. Sulejmani mësohet se nuk është paraqitur në seancë dhe është përfaqsuar nga avokati.
Ndërkohë për Igli Begaj, Shkëlqim Osteni dhe Ervis Shkurtan është caktuar burg me afat deri në 16.05.2024 .
Mësohet se përballë gjyqtarit të çështjes, Shkëlqim Ostreni dhe Igli Begaj kanë kërkuar nga gjykata që të mos marrë parasysh dëshmitë paraprake pasi janë dhënë pa praninë e avokatit dhe nën trysni. Ata kanë theksuar se nuk kanë lidhje me kokainën që ishte në makinën e Sulejmanit.
Po të njëjtat burime bëjnë me dije se polici Ervis Shkurta ka mohuar përfshirjen në ngjarje duke pretenduar se nuk është ai poseduesi i numrit britanik me pseudonimin “Visi i Pazarit” që kanë pretenduar të dyshuarit e tjerë. Po ashtu ai ka kërkuar një masë më të butë sigurie edhe për shkak të problemeve shëndetësore që ka i biri.
Por prokuroria, ka kërkuar që ti lërë në qeli duke argumentuar se ka prova të mjaftueshme për të vërtetuar dyshimin e arsyeshëm.
LEXO EDHE :
“I përfshirë në trafikun e drogës”, arrestohet inspektori i Policisë
Njihej si “Visi i Pazarit”, si u zbulua polici i përfshirë në shitjen e kokainës
FOTO-LAJM/ Trafikanti i kokainës në takim me Ballukun, Maznikun dhe Gonxhen
Dinamika, si agjenti i antidrogës plagosi trafikantin e kokainës në Tiranë
