Ka ndërruar jetë te Spitali i Traumës, një nga të plagosurit e aksidentit që ndodhi në aksin Lezhë-Laç mëngjesin e kësaj të premte.
Ngjarja ndodhi në afërsi të fshatit Spiten, ku dy automjete në rrethana ende të paqarta janë përplasur me njëra-tjetrën dhe kanë përfunduar në dy anët e parcelave në anësore.
Nga aksidenti mbetën të plagosur dy persona, një shtetas nga Fushë Kuqja e Kurbinit, i identifikuar si Samuel Çela, dhe një shtetas francez Alian Peron.
Ky i fundit u dërgua te Trauma për ndihmë mjekësore, por fatkeqësisht nuk ka mundur të mbijetojë.
Sakaq Çela raportohet se ndodhet jashtë rrezikut për jetën dhe është arrestuar nga policia.
Një hetim është ngritur lidhur me rastin.
