Një tërmet i fortë është regjistruar në Malin e Zi në orët e para të mëngjesit të kësaj të enjteje.
Sipas Qendrës Sizmiologjike Europiane Mesdhetare, tërmet ka qenë me magnitudë 5.4 e shkallës Rihter dhe është regjistruar në orën 04:06.
Tërmeti kishte thellësi rreth 10 kilometra dhe me epiqendër 21 km nga qyteti i Plužine, jo shumë larg kufirit me Bosnje dhe Hercegovinën.
Lëkundjet janë ndier në Bosnjë Hercegovinë, Serbi, Kosovë, më së shumti në qytetin e Pejës, si dhe në territorin shqiptar, në qytetet e Shkodrës, Lezhës dhe Tiranës. Po ashtu, raportohet se lëkundjet janë ndier edhe në brigjet jugore të Adriatikut të Italisë veçanërisht në Pulia.
Nuk dihet ende pasojat e këtij tërmeti, që ka shkaktuar panik te qytetarët, pothuajse në pjesën më të madhe të rajonit.
