Një 36-vjeçar është arrestuar ditën e sotme në Durrës, pasi akuzohet për grabitje.
Policia sqaron se 36-vjeçari me origjinë nga Ohri, është autor i disa vjedhjeve të kryera në qarkun e Durrësit.
Bëhet fjalë për shtetasin me iniciale J.N
“Si rezultat i hetimeve të kryera në bashkëpunim me Prokurorinë e Durrësit, për të identifikuar dhe nxjerrë përpara përgjegjësisë penale, autorët e vjedhjeve në banesa/subjekte të ndryshme në territorin e qarkut, specialistët për Hetimin e Krimeve të Komisariatit të Policisë Durrës, në kuadër të megaoperacionit “Sundimi i ligjit”, identifikuan, kapën dhe vunë në pranga shtetasin J. N., 36 vjeç, banues në Ohër”,- thuhet në njoftimin e Policisë.
