Një automjet që transportonte lëndë narkotike është kapur nga policia në pikën e kalimit kufitar të Kapshticës. Mësohet se droga e dyshuar kanabis u gjet në shasinë e një mjeti tip Audi Q7.
Drejtuesi i mjetit u arrestua ndërsa janë shoqëruar edhe persona të tjerë që dyshohet se janë bashkëpunëtore.
Sasia e drogës është rreth 40-50 kg. Operacioni është në zhvillim e sipër pasi po kryhen kontrolle në banesat e personave të përfshire.
