Gjykata e Lartë ka lënë në fuqi masën e sekuestros ndaj disa pronave të biznesmenit strategjik Pëllumb Gjoka, i arrestuar në kuadër të operacionit “Metamorfoza”.
Gjokës i janë sekuestruar 390 mijë metra tokë në plazhin e Velipojës me kërkesë të Prokurorisë së Posaçme, dhe dyshohet se këto sipërfaqe janë përfituar me anë të falsifikimit.
Pëllumb Gjoka akuzohet si pjesë e një grupi të strukturuar kriminal ndaj të cilëve rëndojnë akuzat për një sërë veprash penale duke nisur nga “Vrasja me paramendim”, “Shpërdorimi i detyrës” deri tek “Trafikimi i narkotikëve”, në bashkëpunim në formën e “Grupit të strukturuar kriminal”, “Krijim kushte për vrasje” etj.
Gjykata e Lartë nuk pranoi as rekursin nga arratia te Prekë Kodrës për ndryshimin e masës së sigurisë arrest me burg, dhënë në mungesë. Ai akuzohet si pjesë e të njëjtit grup kriminal, por që ende nuk është arrestuar dhe është shpallur në kërkim ndërkombëtar.
Lexo edhe:
Investitorit strategjik Pëllumb Gjoka i sekuestrohen 390 000 m2 tokë
