Deputetja e PD-së Albana Vokshi ka publikuar procesverbalin e Komisionit të Etikës për përjashtimin e saj dhe të deputetes tjetër demokrate, Elda Hoti nga Kuvendi, të konsideruara nga mazhoranca si përgjegjëse për tensionet e shkaktuar në seancën plenare të së enjtes së kaluar.
Siç vërtetohet edhe nga procesverbali, mbledhja e Komisionit të Etikës ka qenë shumë e shkurtër teksa vendimi për përjashtimin nga aktivitetet parlamentare të dy deputeteve demokrate është marrë pa asnjë provë apo video, teksa mazhoranca ka paraqitur vetëm dy foto.
Në postimin e saj në rrjetet sociale, Vokshi shprehet se janë rikthyer gjyqet politike për dënimin e deputetëve të opozitës. Ajo shton më tej se Sekretariati i Prpcedurave, Votimit dhe Etikës, që kryesohet nga nje grua, tashmë është kthyer në një organ censure, që dënojnë deputetët e opozitës.
Vokshi shprehet se deputetëve të opozitës, asi u kanë hequr fjalën, i kanë përzënë, i kanë arrestuar, tani i ka mbetur vetëm hapi i fundit i enverizmit total: t’i eleminojnë fizikisht kundërshtarët, por nuk do ia dalin sipas saj.
Reagimi i plotë:
Gjyqet politike për dënimin e deputetëve të opozitës janë rikthyer!!
Mbas deputetëve të akuzuar dhe dënuar në 1945, ky është rasti i dytë në historinë e Shqipërisë që parlamenti dënon anëtarët e vet, përfaqësuesit e popullit.
Lexojeni këtë pr.verbal për të kuptuar në sa minuta e si dënohen deputetët, përfaqësuesit e popullit… pa prova, pa fakte, pa video… pa ju dhënë mundësinë deputetëve as të paraqiten e as te depozitojnë prova…
Sekretariati i Prpcedurave, Votimit dhe Etikës, që kryesohet nga nje grua, tashmë është kthyer në një organ censure, që ashtu si Rama firmoste 17 vendimet e inceneratorëve Fap-Fap-Fap, edhe këta Fap-Fap-Fap dënojnë deputetët e opozitës (në këtë rast dy gra).
Pasi u kanë hequr fjalën, i kanë përzënë, i kanë arrestuar, tani i ka mbetur vetëm hapi i fundit i enverizmit total: t’i eleminojnë fizikisht kundërshtarët!!
Sigurisht, nuk do ja dalin! Opozita është në këmbë, më e bashkuar, më e fortë!!
