Socialistët tërhoqën këtë të enjte votimin në Kuvend të projektligjit për amnistinë.
Si opozita, ashtu edhe grupi Basha proklamuan që një ditë më parë, qëndrimin e tyre kundër nismës që mazhorancës.
Në kushtet e mungesës së 84 votave, PS kërkoi tërheqjen e projektligjit. Megjithatë, socialistët pretendojnë se tërheqja nuk erdhi për shkak të mungesës së votave për projektligjin.
“Në emër të grupit e tërhoqa ligjin për amnistinë nga axhenda e sotme, në respekt të traditës së deritanishme që ligji për amnistinë të votohet me konsensus”, tha Çuçi në një prononcim për gazetarët pas seancës së sotme parlamentare.
Ndërsa ministri i drejtësisë Ulsi Manja u shpreh i bindur se nisma e socialistëve do të miratohet, madje me 90 vota. Megjithatë, nuk zbuloi planin e socialistëve për të peshkuar vota në Kuvend.
