Pas barazimit ndaj Laçit, Dinamo është rikthyer te fitorja në kampionat, teksa mundi 0-1 Skënderbeun në transfertë.
Dinamovitët e filluan takimin “zjarr” dhe iu afruan golit që në minutën e parë me Markun. Në minutën e 35-të, Lico provoi nga distanca, por nuk pati shënjestrën e duhur.
Në fillimin e fraksionit të dytë, të besuarit e Mehmetit fituan penallti, me arbitrit që e konsideroi të parregullt ndërhyrjen e Ramos ndaj Andonit. 11-metërshi u ekzekutua saktë nga Vila, duke i dhënë kështu epërsinë skuadrës së Dinamos.
Në disavantazh, korçarët tentuan të futeshin në lojë, por e patën mjaft të vështirë.
Me këtë rezultat, Dinamo është në vendin e katërt me 35 pikë duke zbritur Tiranën jashtë “Final Four”.
Ndërkohë nga ana tjetër Skënderbeu është në vendin e gjashtë me 31 pikë.
Klasifikimi:
