Kryeministri Edi Rama pritet të udhëtojë paraditen e nesërme (e martë) drejt Ankarasë, ku mësohet se do të pritet nga presidenti turk Recep Tayyip Erdoğan.
Burime për mediat bëjnë me dije se Rama do t[ shoqërohet në këtë vizitë zyrtare nga ministri i Jashtëm, Igli Hasani, ku pritet dhe nëshkrimi i disa marrëveshjeve, përmbajtja e të cilave ende nuk dihet.
Vlen të theksohet fakti se një çështje që mbetet ende e pazgjidhur mes Shqipërisë dhe Turqisë është ajo e të ashtuquajturve “gylenistë”, e kërkuar me ngulm nga pala turke.
U përmend edhe nga ministri i Jashtëm i Turqisë, Hakan Fidan, në vizitën e 29 Janarit në Tiranë, ku gjatë konferencën për mediat bëri thirrje që Shqipëria të pastrohet nga gylenistët.
“Me kolegun tim folëm edhe për tema tjera siç është lufta kundra terrorizmit dhe ato rajonale. Diskutuan për mbetjet e fundit të FETO-s që kanë mbetur në Shqipëri. Prandaj treguam ndjeshmërinë që ka Turqia ndaj kësaj çështjeje. Diskutuam se çfarë hapash mund të hidhen konkretisht për këtë”, tha Hakan Fidan.
Çështja e gylenistëve po mban me dyer të mbyllura dhe xhaminë e Namazgjasë në Tiranë, e financuar nga Turqia, e cila ende nuk është inaguruar. Presidenti i Turqisë, Recep Tayyip Erdoğan vizitoi vendin tonë në 17 Janar 2022
