Një makinë është përfshirë nga flakët mëngjesin e kësaj të hëne në Memaliaj. Mësohet se mjeti ka qënë i parkuar në afërsi të banesës së pronarit në momentin që është përfshirë nga zjarri.
Në vendngjarje kanë mbërritur forcat zjarrfikëse, që kanë bërë të mundur shuarjen e flakëve, ndërsa nuk raportohet për persona të lënduar nga zjarri.
Paraprakisht dyshohet se shkak i zjarrit të jetë një shkëndijë në sistemin elektrik të makinës.
Grupi hetimor po punon për zbardhjen e rrethanave të rastit.
