Marrëveshja Rama-Meloni për refugjatët pritet të miratohet në seancën plenare të së enjtes. Kjo u bë e ditur gjatë mbledhjes së grupit parlamentar të PS këtë të hënë, ku kryetari Bledi Çuçi kërkoi prezencë të deputetëve socialist në Kuvend për miratimin e nismës që ka marrë kritika të shumta.
Çuçi tha se pritet zbardhja e plotë e vendimit të Gjykatës Kushtetuese këto ditë të para të javës për protokollin, për ti hapur më pas rrugë regjistrimit të protokollit në seancën e së enjtes.
Kuvendi ndërkohë nuk e ka zbardhur ende rendin e ditës së senacës plenare të radhës.
Miratimi i marrëveshjes kërkon shumicë të thjeshtë.
Çuçi u tha të tijëve se përgjatë kësaj jave, në komisionet parlamentare do të votohet edhe projektligji për amnistinë penale si dhe ai për Zonat e Mbrojtura që gjithashtu ka marrë kritika të shumta.
“Projektligjin për Amnistinë Penale, Komisioni për Çështjet Ligjore parashikon për ta kaluar të martën. Do të rakordojmë dhe me opozitën për të bërë 84 votat e nevojshme për miratim”, tha Çuçi.
