Kryetari i Grupit Parlamentar të PD-së, Gazmend Bardhi, i ka bërë thirrje qytetarëve të bashkohen në protestën e 20 Shkurtit.
Në takimin e zhvilluar këtë të mërkurë me banorët e Malësisë së Madhe, Bardhi u shpreh se kjo protestë nuk është vetëm e demokratëve të bashkuar, por është reagim i çdo shqiptari që dëshiron të ndërtojë një të ardhme më të mirë për veten dhe familjen e tij në Shqipëri.
Reagimi në rrjete sociale:
“20 Shkurti nuk është protestë vetëm e demokratëve të bashkuar, por reagim i çdo shqiptari që dëshiron të ndërtojë një të ardhme më të mirë për veten dhe familjen e tij në Shqipëri. Me këtë mesazh, i kërkova banorëve të Malësisë së Madhe që të na bashkohen ditën e martë, datë 20 Shkurt, ora 17:30, përpara Kryeministrisë.
Protestojmë kundër keqqeverisjes së Edi Ramës, që po pengon punësimin dhe zhvillimin ekonomik, që ka rrënuar mirëqenien e familjeve shqiptare, dhe që po tenton të kontrollojë çdo pushtet duke ndërtuar një shtet autokrat e të padenjë për familjen europiane”, shprehet Bardhi.
