Një aksident automobilistik është regjistruar mesditën e kësaj të marte në aksin rrugor Bilisht – Miras.
Burime bëjnë me dije se një mjet tip “Mercedes Benz” ka humbur kontrollin duke u përplasur fillimisht një mjet tjetër fuoristradë e më pas ka përfunduar i përmbysur jashtë rrugës. Ngjarja ka ndodhur në afërsi të fshatit Kuç.
Nga ky aksident ka mbetur i plagosur pa probleme për jetën drejtuesi i mjetit “Mercedes Benz” i cili është dërguar në spitalin e Devollit për ndihmë mjekësore.
Shkak i këtij aksidenti sipas policisë ka qenë shpejtësia tej normave të lejuara e drejtuesit të mjetit tip “Benz” Specialistët e qarkullimit rrugor po hetojnë për shkaqet e këtij aksidenti.
