Policia ka arrestuar autorin e dyshuar të 18 rasteve të vjedhjes së monopatinave si dhe ka proceduar penalisht 3 shtetas të mitur bashkëpuntorë me njëri-tjetrin në grabitje.
Në pranga ka rënë shtetasime iniciale A.Gj, 18-vjeç, ndërsa procedimi ka nisur për tre shtetas përkatësisht të moshave 16 dhe 17-vjeç.
“Nga veprimet hetimore dyshohet se këta shtetas, gjatë muajve të fundit, kanë vjedhur 18 monopatina, në zona të ndryshme të Tiranës, 8 prej të cilave i kanë shitur. 10 monopatinat e tjera u gjetën dhe u sekuestruan në cilësinë e provës materiale”,- njofton Policia.
Materialet procedurale i kaluan Prokurorisë, për veprime të mëtejshme.
