Një person është arrestuar në Elbasan dhe tre të tjerë janë proceduar penlaisht pasi akuzohen për vepra të ndryshme penale.
Blutë bëjnë me dije se në pranga ka rënë shtetasi me iniciale S. M., 49 vjeç, pasi ka përplasur me makinë një 52-vjeçar.
Ndërkohë është proceduar penalisht E. D., 34 vjeç, E. L., 29 vjeç, dhe Y. Gj., 58 vjeç, pasi janë konfliktuar me shtetas të tjerë, për pronat
Njoftimi i policisë:
Specialistët e Sektorit të Policisë Rrugore arrestuan në flagrancë shtetasin S. M., 49 vjeç, banues në Elbasan, pasi ditën e djeshme, në fshatin Kusarth, me motomjetin që e drejtonte në gjendje të dehur, ka përplasur automjetin me drejtues shtetasin G. M., 52 vjeç, banues në Elbasan.
Specialistët për Hetimin e Krimeve të Komisariatit të Policisë Peqin referuan materialet në Prokurori ku nisi procedimi në gjendje të lirë për shtetasit: E. D., 34 vjeç, banues në Peqin, me detyrë punonjës i Policisë Bashkiake Peqin, pasi ditën e djeshme, gjatë një konflikti verbal për mbajtjen e radhës nga qytetarët, tek dera e jashtme e bashkisë, ka shtyrë një 54-vjeçar; E. L., 29 vjeç, banues në Peqin, pasi me vetëgjyqësi ka dëmtuar disa pemë ulliri, në pronën e një 49-vjeçari.
Specialistët për Hetimin e Krimeve të Komisariatit të Policisë Cërrik referuan materialet në Prokurori ku nisi procedimi në gjendje të lirë për shtetasin Y. Gj., 58 vjeç, banues në Belsh, pasi ka kallëzuar shtetasi S. Gj., 55 vjeç, se shtetasi Y. Gj., me vetëgjyqësi, i ka zaptuar dhe dëmtuar një sipërfaqe toke.Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
