Një aksident i rëndë është regjistruar mëngjesin e kësaj të mërkure në Durrës, tek Ura e Dajlanit. Një automjet ka përplasur një person në rrethana ende të paqarta.
Deri më tani nuk dihen rrethanat se si ka ndodhur aksidenti, ndërsa siç mund të shihet dhe në pamjet e mëposhtme i plagosuri qëndron i shtrirë në rrugë, në pritje të ambulancës.
Njoftimi i policisë:
Rreth orës 09:50, në segmentin rrugor “Durrës-Tiranë”, automjeti me drejtues shtetasin G. Xh., 21 vjeç, është përfshirë në një aksident me këmbësorin, shtetasin I. H., rreth 70 vjeç, i cili është në spital, në kujdesin e mjekëve, në gjëndje të rëndë shëndetësore.
Grupi hetimor ndodhet në vendngjarje dhe po punon për sqarimin e rrethanave të aksidentit.
