Hetimet e autoriteteve italiane për dosjen “Muratori” kanë evidentuar katër grupe kriminale që bashkëpunimin në trafikun ndërkombëtar të drogës, të cilët drejtoheshin nga shqiptarë.
Referuar hetimeve, grupi i parë përbëhej nga Kledjon Mucollari, Elvis Vangjeli, Kristian Ibrahimaj, Alban Mahilaj, Klaudia Sulejmani, Ganna Chaplygina, Besmir Selamaj, Altin Ymeraj, Mark Lisi, Ani Kuci, Klisman Cepele dhe Melei Yasmine e de mel. Kledjon Muçollari konsiderohet ‘bosi’ i grupit. Ndërkohë Ervis Vangjeli ishte i besuari i Muçollarit. Ai kujdesej për transportin e drogës në territorin italian dhe menaxhimin e klientëve që blinin me pakicë.
Muçollari ka marrëdhënie të drejtpërdrejta me furnizuesin e nivelit të lartë Armand Meço – drejtues i një tjetër grupi (me bazë në Holandë) që siguronte kokainë për ta shitur në Itali – dhe u jep urdhra anëtarëve të tjerë si dhe mbikëqyrte të gjithë veprimtarinë. Grupi i Holandës përbehet nga Armand Meço, Fael Xhelili, Endri Sercan, Daniel Elezi, Erando Mara, Angelo Venticinque, Edgar Sebastian Jansen, Indrit dhe Eraldo Kolgjokaj.
Sipas hetimeve, Fael Xhelili rezulton bashkëpunëtori i ngushtë i Armand Meços, në funksione të ngjashme, por dhe si kontalibisti i grupit kriminal. Endrit Sercan, sipas dosjes së cituar nga “Report Tv”, rezulton blerës i kokainës në tregun holandez dhe menaxhon kontaktet me klientët, të cilëve u shiste sasi të mëdha kokaine. Daniel Elezi ishte personi referues në Itali i Armand Meços pasi merrej me shitjen e lëndëve narkotike si hashash dhe kokainë, si dhe me sigurimin dhe organizimin e furnizimeve me hashash në territorin italian, pasi ka vepruar gjithashtu si kujdestar në shtëpinë e krijuar nga të ardhurat e trafikut të drogës të grupit kriminal në Itali. Erando Mara ishte korrieri i ngarkuar për transportin e kokainës nga Holanda dhe Gjermania në Itali. Kryente dhe rolin e dorëzimit të kokainës dhe mblidhte të ardhurat e trafikut të drogës për llogari të grupit kriminal. Angelo Venticinque luajti rolin e korrierit pas arrestimit të Erando Marës. Ai dorëzonte kokainën klientëve dhe mblidhte të ardhurat për llogari të tyre. Edgar Sebastian Jansen luante rolin e korrierit që vepronte në territorin holandez ku transportonte kokainë dhe para për llogari të grupit kriminal. Indrit dhe Eraldo Kolgjokaj ishin ngarkuar të pajisnin grupin me makina me fund të dyfishtë që përdoreshin për të transportuar lëndën narkotike. Ata merreshin personalisht me modifikimin e karrocerive të makinave.
Grupi tjetër përbëhej nga Spiro Petro dhe italianët Gabriele Franchini dhe Dario Amendola. Spiro Petro ishte organizatori, koordinator dhe drejtuesi i grupit teksa merrej me trafikimin e hashashit dhe marihuanës nga Shqipëria duke koordinuar veprimtarinë e korrierëve përgjegjës për transportin e mëpasshëm të lëndëve narkotike në Itali. Ndërkohë, dy italianët e tjerë ishin korrierë droge.
Grupi i katër përbëhej nga Prelë Kolnikaj, Rudina Macoraj dhe Lazer Prevataj. Prelë Kolnikaj kishte rolin e organizatorit, koordinatorit dhe financuesit të grupit kriminal. Ai jepte udhëzimet për dërgesat e lëndëve narkotike, duke vepruar dhe vetë ndonjëherë për transferimin e drogës. Rudina Macoraj kishte rolin e kujdestares që mbante lëndën narkotike në banesë, por dhe disa detyra të tjera të grupit. Lazer Prevataj kishte detyrën e korrierit të lëndës narkotike sipas udhëzimeve të Prelë Kolnika dhe të mblidhte të ardhurat nga shitja e drogës.
Lexo edhe:
Goditet rrjeti europian i drogës/ Dhjetëra të arrestuar në Shqipëri dhe pasuri të sekuestruara
