Lideri i Partisë Demokratike, Sali Berisha, ka mbajtur sërish fjalim nga arresti shtëpiak, pasditen e kësaj të mërkure për mbështetësit që janë mbledhur poshtë banesës.
Gjatë fjalë së tij, Berisha u shpreh se këto ditë drejtësia e SHBA kryqëzoi, gozhdoi, akuzoi si kriminel që ka korruptuar njeriun kryesor të kundërzbulimit të SHBA, Edi Ramën.
Sakaq ai ka paralajmëruar kryeministrin Rama se do të ketë të njëjtin fat si McGonigal, ndërsa i ka bërë thirrje të japë dorëheqjen.
Berisha: “Këto ditë drejtësia e SHBA kryqëzoi, gozhdoi, akuzoi si kriminel që ka korruptuar njeriun kryesor të kundërzbulimit të SHBA, Edi Ramën.
Edi Rama është sot një kufomë e pakallur. T’i vërsulemi, ta arrestojmë, ta nisim drejt McGonigalit.
Por ja ku po ta them Edi Rama se i ke kohërat e numëruara. Jep dorëheqjen se kudo që të shkosh, fatin e baballarëve të tu do kesh”.
