Gjykata e Apelit të Përgjithshëm ka nisur shqyrtimin e çështjes penale për ish-efektivin e RENEA-s, Arbër Paplekaj, i akuzuar për vrasje në rrethana cilësuese të ish-simpatizantit të PS-së, Pjerin Xhuvani, 4 ditë para zgjedhjeve parlamentare të 25 prillit 2021. Ai ësht dënuar nga gjykata e Elbasanit me 22 vite burgim, por pretendon se krimin e kreu për vetëmbrojtje.
Po ashtu, çështja është edhe për gjashtë oficerë policie të repartit “Shqiponja” dhe dy ish nën drejtorë policie Albert Nushi dhe Nikollaq Palla, të cilët janë dënuar me shërbim prove të shpallur fajtorë për veprën penale shpërdorim detyre.
Arbër Paplekaj nuk është paraqitur në seancën e sotme dhe ka përcjellë një deklaratë ku bënte me dije se nuk dëshiron të marrë pjesë dhe se dëshiron të përfaqësohej nga av.Mirash Martini.
Gjykata e Apelit gjithashtu konstatoi se të akuzuarit e tjerë përfaqësohen nga avokatët e caktuar prej tyre. Gjykata theksoi se janë njoftuar edhe trashëgimtarët e viktimës Pjerin Xhuvani si dhe avokatja e tyre, kjo e fundit ka kërkuar të njoftohet ne adresë dhe jo me telefon.
Edhe efektivja e plagosur në atë ngjarje Xhensila Sota ( në cilësinë e viktimës në ngjarje) si dhe Emiliano Prenga, Eltjon Bodinaku dhe Pavllo Vuksani nuk janë paraqitur.
Prokurori i çështjes Gent Xholi u shpreh se “ shterova rrugët e duhura dhe më të shpejta për të njoftuar avokaten e të afërmeve të Pjerin Xhuvanit . Megjithatë nëse mbrojtja kërkon njoftim në adresë do ta bëjmë zyrtarisht dhe jo në telefon.
Pra avokatja e familjarëve të Pjerin Xhuvanit i thotë prokurorisë mos më njofto me telefon, por më njofto në rrugë zyrtare për nisjen e procesit.
