Detaje të reja kanë dalë në dritë nga ngjarja që u raportua në Fushë-Krujë, ku u arrestuan tre të rinj pas akuzave se kishin shfrtëzuar për prostitucion tre vajza të mitura.
Mësohet se tre të arrestuarit janë, Samuel Doku, Kastriot Kullaj, Fabjon Cangu, ndërsa është shpallur në kërkim shoku i tyre. Tre të rinjtë në bashkëpunim me njëri-tjetrin u akuzuan se kishin shfrytëzuar tre vajzat e mitura përkatësisht të moshave 15, 16 dhe 17-vjeç, por ditën e sotme në prani të psikologut ato kanë deklaruar se kanë ikur me dëshirë nga banesa.
Në pamundësi për të paguar hotelin ku qëndronin kanë deklaruar ato, janë ofruar për të kryer marrëdhënie seksuale kundrejt pagesës. Me djemtë e arrestuar që i shfrytëzonin, ato kanë deklaruar se kishin miqësi. Të miturat qëndronin në hotele të ndryshme ku të arrestuarit u sillnin klientë.
Vajzat ishin larguar nga banesa në qershor, shtator, tetor dhe familjarët nuk kishin denoncuar largimin e tyre. Sipas informacioneve, ato e kishin rast të përsëritur që iknin nga banesa dhe dy prej tyre janë motra.
