Policia ka dalë me një njoftim zyrtar, lidhur me ngjarjen e rëndë që ndodhi mëngjesin e sotëm në Tiranë, ku skela e një pallati në ndërtim ra dhe plagosi dy kalimtarë.
Policia bën me dije se është shoqëruar në komisariat inxhinieri i pallatit dhe dy puntorë, ndërsa dy të plagosurit ndodhen në spital nën kujdesin e mjekëve.
“Më datë 22.01.2024, rreth orës 10:10, në bulevardin “Gjergj Fishta”, janë rrëzuar skelat e nje pallati në ndërtim e sipër, dhe si pasojë janë dëmtuar 2 shtetas (kalimtarë) H. L., rreth 70 vjeç, dhe I. Sh., rreth 45 vjeçe.
Dy të dëmtuarit ndodhen në spital, në kujdesin e mjekëve.
Në ambientet e Policisë janë shoqëruar inxhinieri i pallatit, shtetasi K. S., dhe punëtorët N. S., dhe A. P., për veprime të mëtejshme procedurale”,- njofton Policia.
Grupi hetimor ndodhet në vendngjarje dhe po punon për sqarimin e rrethanave të ngjarjes.
