Autoritetet në Greqi kanë arrestuar dy shtetas shqitarë pasi akuzohen për grabitjen e një poste.
Mediat vendase shkruajnë se ngjarja ka ndodhur më datë 20 dhjetor të vitit të kaluar, ku dy shqiptarët 37 dhe 41 vjeç, kanë grabitur me dhunë një zyrë postare në vendin e quajtur Markopulo në afërsi të Athinës.
Pasi kanë kryer grabitjen ata janë larguar me një motor, por pasi janë sekuestruar kamerat e sigurisë dy shqiptarët janë identifikuar dhe kapur nga policia. Gjatë kontrolleve në banesë u janë gjetur veshjet dhe maskat që kishin përdorur për vjedhjen, gjithashtu u gjet edhe një sasi prej 20 gramë metadon.
Të dy shqiptarët pritet të dalin para drejtësisë për të marrë dënimin.
