Istref Tirollari, babai i 29-vjeçarit Kledi Tirollari, ka mohuar se djali i tij të ketë qenë i lidhur apo të ketë kryer marrëdhënie seksuale me vajzën 12-vjeçare të bashkëjetueses së tij.
Pas seancës së sotme gjyqësore në Korçë ku u la në burg 29-vjeçari, babai i tij me lot në sy është shprehur se bashkëjetuesja e tij e ka akuzuar Kledin vetëm sepse ato kishin debatuar së bashku për pastrimin e banesës. Istref Tirollari ka treguar më tej se bashkëjetuesja Mirela Bosi i ka kërcënuar se do i fuste të gjithë në burg.
“Kisha një fëmijë të vogël tek 8-vjeç e gjysmë, edhe ajo kishte fëmijë. Ramë dakord të bashkëjetonim. Ne debatuam, i thashë një të fshirë e të pastruar s’bën dot. Më tha ‘po me ju do të merrem unë, jua rregulloj unë’. Unë kam 3 djem, kur e kam marrë bashkëjetuese djemtë i kam pasur në Greqi. Kur erdhi djali tha po mirë e kemi si motrën tonë, hamë e pimë bashkë. Nuk është e vërtetë që djali ka kryer marrëdhënie me të, ajo e akuzoi sepse debatoi me mua.
Djali kishte dhomën e vet. Rrinim në një shtëpi, vajza qëndronte me nënën e saj, shkollën e kishim afër dhe e çonim. Janë muhabete të kota. Më tha “do ju fus të tërëve në burg”, tha i ati me lot në sy.
