Një ngjarje e rëndë raportohet të ketë ndodhur në Tiranë. Një 18-vjeçare ka goditur me thikë ish-të dashurin e saj pas ndarjes.
Blutë bëjnë me dije se djali është jashtë rrezikut për jetën, ndërkohë 18-vjeçarja është shoqëruar në komisariat.
Njoftimi i Policisë:
Specialistët për Hetimin e Krimeve të Komisariatit Policisë Nr. 6 arrestuan shtetasen I. D., 18 vjeçe, banuese në Tiranë, pasi gjatë një konflikti për motive të dobëta, ka goditur me mjet prerës ish-të dashurin e saj, i cili si pasojë është dëmtuar dhe ndodhet jashtë rrezikut për jetën.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
