Klubi francez i PSG-së, është duke u përballur me akuzat se ata kanë ushtruar presion mbi organizatorët e “Topit të Artë” në mënyrë që Lionel Messi ta fitonte këtë çmim në vitin 2021.
Siç raporton media franceze “Le Monde”, zyrtar të klubit të PSG-së kanë bërë përpjekje që të ushtrojnë presion mbi Paskal Ferre, asokohe drejtori i revistës prestigjioze France Football dhe organizatori i “Topit të Artë”.
Dyshohet se zyrtarët e klubit parisien janë munduar që të marrin mbështetjen e Ferre, përmes favoreve të ndryshme.
Raporti shton se klubi shpresonte që Messi ta fitonte këtë çmim gjatë kohës sa ai po luante në kryeqytetin francez. Hetimet fillimisht thuhet se janë të fokusuara tek ish-drejtori për komunikim, Jean-Martial Ribes.
Një raport i Inspektoratit të Përgjithshëm të Policisë Kombëtare në nëntor të vitit 2023 thotë: “Ribes ka kërkuar që të marrë bileta për ndeshjet e PSG-së nga gazetarë, politikanë, pjesëtarë nga kabineti i ministrave, artistë. Gjithashtu pjesë e favoreve janë edhe udhëtime falas në Katar (avioni klasit të lartë dhe hotel ultraluksoze).
