Kryetarja e Lidhjes Demokratike të Gruas, Albana Vokshi e shoqëruar nga deputetja Elda Hoti dhe drejtuesja e departamentit të Arsimit në PD, Lili Sula, zhvilluan një takim me gratë demokrate të qytetit të Kavajës.
Gjatë fjalës së saj, Vokshi u shpreh se Edi Rama i ka shpallur luftë të paprecedentë opozitës, Partisë Demokratike dhe liderit të saj, Sali Berisha. “Nu jemi më në demokraci, sepse është vetëm një njeri, ai është Edi Rama. Ai kontrollon të gjitha pushtet, por për fat të mirë Kavaja i shpëtoi këtij kontrolli. Ju keni një kryetar që e keni mbështetur dhe e keni votuar”, tha ndër të tjera Albana Bokshi.
Ajo shtoi se Edi Rama ka vënë nën kontroll institucionet e drejtësisë dhe mediat. Sipas Vokshit, Edi Rama nuk kontrollon dot opozitën paralamentare dhe opozitën e vërtetë. “Edi Rama duke përdorur pengjet e tij, me shantazhe, duke marrë peng ish-kreun e PD, ai u mundua të zhbënte opozitën dhe Partinë Demokratike. Ai ka një plan të qartë në kokën e tij, sepse nuk i pëlqen opozitarizmi. Ndaj dhe Sali Berisha, po sulmohet sepse mori dhe votëbesimin e Kuvendit Kombëtar, ndaj dhe Edi Rama duke pasur parasysh që këtë pjesë të opozitës nuk e kontrollon dot, po përdor SPAK-un dhe gjykatat. Për fat të keq dhe Gjykata Kushtetuese, me një vendim anti-kushtetues, zhbëri shkresën ku gjithësecili prej nesh mund të gjente një të drejtë kushtetuese”, tha Vokshi.
Më tej gjatë fjalës së saj, Albana Vokshi deklaroi se pavarësisht tentativës për të kontrolluar çdo insitutucion, Edi Rama nuk kontrollon dot qytetarët e lirë të vendit. “Ndaj jemi sot këtu ne, kemi ardhur të kërkojmë ndihmën tuaj, mbështetjen tuaj. Me vendimet antikushtetuese, Edi Rama aka vendosur të izolojë kryetarin e PArtisë Demokratike. Por a e izolojnë dot Sali Berishën? Frymën e Sali Berishës? Berisha ka qenë dhe do të jetë drejtues i Partisë Demokratike. por kemi nevojë për të gjithë ju, por më së shumti mbështetjen e grave”, tha ndër të tjera Albana Vokshi.
Ajo shtoi gjithashtu se gratë dhe të rinjtë janë pjesa më besnike dhe aktive e Partisë Demokratike. Ndaj, sipas saj, thirrja është ‘o sot o kurrë’, duke kërkuar mbështetjen e grave të thirrura në mision kundër regjimit të Edi Ramës, që ndër të tjera po shpopullon vendin.
Deputetja e PD-së, Elda Hoti u shpreh se aventurat diktatoriale në Shqipëri janë të destinuara për të humbur.
“Ne nuk mund të pranojmë për kryeministër një njeri që shkel kushtetutën, sa herë i nevojitet atij. Gjykata Kushtetuese që është edhe organi më i lartë i drejtësisë, që prezumohet të mbrojë Kushtetutën e Shqipërisë, u bë vetë shkelëse e Kushtetutës, duke i hequr të drejtën 1/5 së deputetëve për të ju drejtuar Gjykatës Kushtetuese në çdo rast dhe duke e kthyer në një precedent shumë të rrezikshëm për vbendin tonë”, tha deputetja Elda Hoti.
Ndërsa drejtuesja e departamentit të Arsimit në PD, Lili Sula, u shpreh se ne si qytetarë, prindër dhe mësues, duhet të jemi të ndriçuar, nuk duhet të mbetemi verbërisht tek media, sepse median e ka kapur.
“Ne si qytetarë, prindër dhe mësues, na takon të jemi të ndriçuar, nuk duhet të mbetemi verbërisht tek media, sepse median e zaptuar. Të ndriçohemi dhe të shikojmë këtë pjesë, që të bëjmë kritikën që nuk është vërtetë kështu. Si qytetarë dhe njerëz që kemi mbështetur PD na takon të bëjmë opozitë aktive, të jemi në krah të çështjeve të rëndësishme”, tha ndër të tjera Lili Sula.
