Të shtëna me armë zjarri në Fier.
Mësohet se pas një sherri banal , shtetasi Geraldo H. ka pasur të shtëna me armë drejtë një biznesi, berberhane.
Nga të shtënat deri tani nuk raportohet për persona të dëmtuar. Shërbimet e Policisë të Forcës Operacionale dhe Forcës së Posaçme “Shqiponja” kanë mbërritur në vendngjarje dhe po punojnë për lokalizimin dhe kapjen e autorit, i cili tashmë është identifikuar.
Njoftimi i policisë Fier:
“Rreth orës 15:30, në fshatin Fermë Çlirim, shtetasi G. M., 30 vjeç, dyshohet se ka qëlluar me armë zjarri në drejtim të berberanës së shtetasit B. K., 33 vjeç.
Nga të shtënët nuk ka persona të dëmtuar. Shërbimet e Policisë të Forcës Operacionale dhe Forcës së Posaçme “Shqiponja” kanë shkuar në vendngjarje dhe vijojnë krehjen e zonës me qëllim kapjen e shtetasit G. M.
Grupi hetimor në drejtimin e Prokurorisë po punon për zbardhjen e plotë të rrethanave të ngjarjes”, njofton policia.
