Nënkryetari demokrat, Luçiano Boçi, në fjalën e tij në protestën e sotme të opozitës, tha se mosbindja civile do të vazhdojë.
Boçi deklaroi se përfaqësuesit e pallatit të padrejtësisë dhe deputetët e mazhorancës, që duan të votojnë imunitetin e Berishës, nuk janë gjë tjetër veçse klounët e kryeministrit të sëmurë të Shqipërisë, të kapur në korrupsion.
Ai deklaron më tej se shkelja e Kushtetutës është bërë me vetëdije të plotë për të dëshmuar se fuqia e tij buron nga pushteti i Ramës, për të dëshmuar se është një kobure për të eliminuar opozitën.
“Ju jeni e vërteta, ju jeni besimi, ju jeni shpresa!
Ndërsa ata që janë aty, përfaqësuesit e pallatit të padrejtësisë dhe deputetët e mazhorancës, që duan të votojnë imunitetin e Berishës, nuk janë gjë tjetër veçse klounët e kryeministrit të sëmurë të Shqipërisë, të kapur në korrupsion.
I cili paranojat e veta, komplekset e veta, kërkon t’i shndërrojë në angazhime dhe vendime për të eliminuar PD-në dhe për dënuar Sali Berishën si simbol i historisë dhe i Partisë Demokratike.
Ajo që po ndodh atje nuk është as rastësi politike, as gabim i SPAK-ut dhe as drejtësi, por një plan i detajuar dhe i aplikuar për vite me radhë për të eliminuar demokracinë dhe pluralizmit dhe për të vendosur hegjemoninë e partisë-shtet.
Ajo që po ndodh nuk është as gabim i SPAK-ut, kapërcimi i parlamentit, shkelja e Kushtetutës është bërë me vetëdije të plotë për të dëshmuar se fuqia e tij buron nga pushteti i Ramës, për të dëshmuar se është një kobure për të eliminuar opozitën.
Po, ne vijmë për Sali Berishën sepse është simboli dhe historia jonë.
Po, dhe unë dhe ju vijmë për Sali Berishën, se duke qenë me Sali Berishën unë jam për fëmijët e mi dhe të ardhmen e tyre.
Duke qenë me Sali Berishën ne jemi me Partinë Demokratike.
Duke qenë me Sali Berishën, ne jemi me demokracinë, jemi me të vërtetën, jemi me atdheun, jemi me Shqipërinë.
Prandaj të vazhdojmë të luftojmë, të vazhdojmë të protestojmë sepse vetëm kështu do e shpëtojmë këtë vend nga një kastë krimi,” tha Boçi.
